वासिंटन — अमेरिका, क्यानडा र मेक्सिकोमा हुने विश्वकप २०२६ को शुक्रबार ‘ड्र’ निकालिएको छ । त्यसअनुसार डिफेन्डिङ च्याम्पियन अर्जेन्टिनासँगै स्पेन र इंग्ल्यान्डले केही सजिलो समूह पाएको छ । फ्रान्स भने कठिन समूहमा परेको छ । अमेरिकी राष्ट्रपति डोनाल्ड ट्रम्पको प्रमुख आतिथ्यतामा वासिङ्टनमा आयोजित कार्यक्रममा उनलाई फिफाले नयाँ शान्तिको पुरस्कार पनि प्रदान गरेको थियो ।

पछिल्लो विश्वकप विजेता अर्जेन्टिनाले अल्जेरियाविरुद्ध खेलेसँगै प्रतियोगिताको सुरुआत गर्नेछ । पहिलो पटक अबको विश्वकपमा ४८ टिमको सहभागिता रहनेछ । त्यसमध्ये ४२ टिमको निर्णय भइसकेको छ । बाँकी ६ टिमका लागि प्लेअफ खेल हुनेछ ।

सहभागी टिमको समूह विभाजनअनुसार समूह ‘ए’ मा मेक्सिको, दक्षिण अफ्रिका, दक्षिण कोरिया र युरोपेली प्लेअफ ‘डी’ विजेता परेका छन् । समूह ‘बी’ मा आयोजक क्यानडा, युरोपेली प्लेअफ ‘ए’ विजेता, कतार र स्विट्जरल्यान्ड परेका छन् ।