त्यति बेला नेपालले भर्खरै महिलाको अन्तर्राष्ट्रिय फुटबल खेल्न सुरु गरेको थियो। दोस्रो खेल भने सन् २०१९ मा भएको थियो। एएफसी वुमेन्स ओलम्पिक छनोटको त्यही खेलमा नेपालले इन्डोनेसियालाई २–१ ले हराएको थियो। त्यसमा दुवै गोल सावित्रा भण्डारीले गरेकी थिइन्।

यसपल्ट भने चोटग्रस्त सावित्रा टिममा हुनेछैनन् र उनको स्थानमा एन्जिला सुब्बाले टिमको नेतृत्व गरिरहेकी छन्। उनले इन्डोनेसियाविरुद्ध जितकै लागि खेल्ने बताएकी छन्। उनले प्रि–म्याच कन्फ्रेन्समा इन्डोनेसियालाई प्रतिद्वन्द्वीका रूपमा सम्मान दिएर नै खेल्ने बताएकी छन्।

यस्तै प्रशिक्षक नवीन न्यौपानेले पनि नेपाली टिम सकारात्मक नतिजाकै लागि इन्डोनेसिया आएको प्रतिक्रिया दिएका छन्। उनले प्रि–म्याच कन्फ्रेन्समा आफ्नो टिममाथि पूर्ण विश्वास पोखेका थिए। उनको नेतृत्वमा नेपालले यसअघि भारतको सिलोङमा थ्री नेसन्स कप खेलेको थियो।