श्रीलंकाको कोलम्बोमा आइतबार भएको फाइनलमा नेपाल भारतसँग ७ विकेटले पराजित भएको हो ।
काठमाडौँ — दृष्टिविहीन महिला टी–२० क्रिकेट विश्वकपमा उपविजेता बनेको नेपाली टोली स्वदेश फर्किएको छ । सोमबार दिउँसो नेपाली टोली काठमाडौं फर्किएको हो ।
दृष्टिविहीन महिला टी–२० क्रिकेट विश्वकपको पहिलो संस्करणमा नेपाल उपविजेता बनेको हो । श्रीलंकाको कोलम्बोमा आइतबार भएको फाइनलमा भारतले नेपाललाई ७ विकेटले पराजित गर्यो । यससँगै नेपाल उपविजेतामै रोकिएको हो ।
प्रतियोगितामा नेपालसहित ७ राष्ट्र सहभागी थिए ।
