ब्वाइजमा ज्ञानोदयले ओएसिसलाई २५–२४ स्कोरले पराजित गर्यो ।
काठमाडौँ — ज्ञानोदय बालबाटिकाले ११ औं रेडियन्ट कप अन्तरविद्यालय बास्केटबल प्रतियोगितामा मंगलबार दोहोरो जित पाएको छ । ज्ञानोदय सिनियर ब्वाइज र गर्ल्स मा विजयी भयो ।
ब्वाइजमा ज्ञानोदयले ओएसिसलाई २५–२४ स्कोरले पराजित गर्यो । ज्ञानोदयका जिरावत थोङ्सुकले ७ स्कोर जोडे । गर्ल्समा ज्ञानोदयले न्यु जेनिथलाई १८–५ ले पराजित गर्दा प्रिन्सेस थापामगरले ६ स्कोर गरिन् ।
सिनियर ब्वाइजमा केभीसीले निःसर्ग बाटिकालाई ४२–३९, कश्यपले राइजिङ स्टारलाई २७–२३ र बालदीक्षा सदनले न्यु जेनिथलाई २३–११ स्कोरले हराए । केभीसीका आरोनलाल श्रेष्ठले १३ र बालदीक्षाका सजेल महर्जनले १० स्कोर गरे ।
गर्ल्समा निःसर्गले मर्स्याङ्दीलाई ८–५ र राराहिलले गोल्डेन फ्लावरलाई २६–८ ले हराए । निःसर्गकी आफ्रेन आर्याले ५ र राराहिलकी एलिसा ओलीले १२ स्कोर जोडे ।
जुनियर ब्वाइजतर्फ सेबले निःसर्गलाई २०–४ र कश्यपले गोल्डेन फ्लावरलाई १४–८ ले हराए । सेबका सन्जल बुढामगर र कश्यपका प्रियान रिमालले ८–८ स्कोर जोडे ।
