अन्तर्राष्ट्रिय स्तरमा पनि क्रिकेटलाई सहयोग गर्ने क्रममा एक्सपर्टले अस्ट्रेलियामा कम्युनिटी कप र एक्सपर्ट सगरमाथा लिग (मेलबर्न, अस्ट्रेलिया) मा सहकार्य गरेको छ भने नाइस नेपाली क्रिकेट क्लब ब्रिसवेनलाई समेत प्रायोजन गरेको छ । एक्सपर्टले पोखरा प्रिमियर लिगमा एक्सपर्ट धनगढी क्रिकेट टोलीको स्वामित्व लिएको थियो ।

एक्सपर्टले चितवनका विभिन्न खेलकुद कार्यक्रममा पनि सहकार्य गर्दै आइरहेको छ । भरतपुर मेयर कप अन्तरविद्यालय क्रिकेट, विभिन्न फुटबल प्रतियोगितामा प्रायोजन गरेको छ ।

क्रिकेटसँगको सहकार्यलाई मजबुत बनाउन राष्ट्रिय क्रिकेट टोलीका पूर्वकप्तान तथा नेपाल क्रिकेट संघका सचिव पारस खड्का, सात वर्षदेखि एक्सपर्ट एजुकेसनको ब्रान्ड एम्बेसडरका रूपमा रहेका छन् । शैक्षिक परामर्शको क्षेत्रमा अग्रणी संस्था र नेपालको सबैभन्दा ठूलो घरेलु क्रिकेट प्रतियोगिताबीचको यो सहकार्यले नेपाल प्रिमियर लिगको गरिमा र स्तर बढाउने विश्वास गरिएको छ ।