डोटी — डोटीको दिपायलमा जारी दिल्पेश्वर क्रिकेट लिग सिजन–३ मा सोमबार पाँच खेल भएका छन् । जसमा इन्द्रपुर इछाली, कोबिदा धनगढी, म्याग्नेट बोइज दिपायल र तिखा ‘ए’ विजयी भएका छन् ।

सोमबार भएको पहिलो खेल मष्टा क्रिकेट क्लब र तिलतालीबीच भएको थियो ।  मष्टाले पहिले ब्याटिङ गर्दै निर्धारित १२ ओभरमा १ सय २५ रन बनाएको थियो । १ सय २६  रनको लक्ष्य पाएको लितताली ८ ओभरमा ८५ रनमै सीमित भयो । 

त्यस्तै आयोजक ‘बी’ र कोबिदा धनगढीबीचको खेल कोबिदाले जितेको थियो । टस जित्दै ब्याटिङ रोजेको आयोजकले   निर्धारित १२ ओभरमा ५० रन बनाएको   थियो । जवाफी ब्याटिङमा उत्रिएको कोबिदाका रवि कुँवरले ३५ रन र कृष ऐरले ११ रन बनाउँदै ८ ओभरमै जित हात पारेका थिए ।

यस्तै तिखा ‘बी’ र म्याग्नेट बोइज दिपायलबीचको तेस्रो खेलमा पहिले ब्याटिङ गरेको म्याग्नेट बोइजले १ सय ४९ रन बनाएको थियो । म्याग्नेटका सन्तोष रावल ६२, केशव चन्द २४, नरेश कठायत ३९ र लोकेश कठायतले १० रन बनाएका थिए । जवाफी ब्याटिङ गरेको तिखा ‘बी’ निर्धारित १२ ओभर खेल्दै ८७ रनमा समेटिएको थियो । म्याग्नेट बोइजले ६२ रनले जित हात पारेको थियो ।

यस्तै सोमबार भएको चौथो खेल तिखा ‘ए’ र एलजीबीपी लेगठाँटाबीच भएको थियो । जसमा तिखाले सहजै जित निकाल्यो । तिखाका सन्तोष खड्काले ६ छक्का ६ चौकाको मद्धतले ७३ रन बनाएका थिए । तिखाकै डबल ऐरीले ५ चौकाको मद्धतले ३१ रन बनाउँदै १ सय ५८ रनको लक्ष्य दिएको थियो ।