अल्जेरियाले बिहीबारको खेलमा सोमालियालाई ३–० ले पराजित गरेको छ ।
काठमाडौँ — बिहीबारको खेलमा सोमालियालाई ३–० ले हराएसँगै अल्जेरिया विश्वकप २०२६ का लागि छनोट भएको छ ।
यस जितसँगै ९ खेलबाट २२ अंक जोडेको अल्जेरिया समूह ‘जी’ को शीर्ष स्थानमा छ ।
अल्जेरियालाई जित दिलाउन मोहम्मद अमौराले २ तथा रियाद महारेजले एक गोल गरे । अल्जेरिया अफ्रिकाबाट छनोट हुने चौथो टिम हो ।
यसअघि अल्जेरियाले सन् १९८२, १९८६, २०१० र २०१४ को विश्वकप खेलेको थियो ।
