क्यासाब्लान्कामा भएको खेलमा प्राप्त जितपछि इजिप्टले अफ्रिकी विश्वकप छनोटको समूह ‘ए’ मा पाँच अंकको निर्णायक अग्रता लिएको हो।
काठमाडौँ — लिभरपुल स्टार मोहमद सलाहले दुई गोल गरेपछि इजिप्टले बुधबार जिबुटीलाई ३–० ले पराजित गर्दै विश्वकप २०२६ का लागि छनोट भएको छ ।
क्यासाब्लान्कामा भएको खेलमा प्राप्त जितपछि इजिप्टले अफ्रिकी विश्वकप छनोटको समूह ‘ए’ मा पाँच अंकको निर्णायक अग्रता लिएको छ ।
समूहको दोस्रोमा रहेको बुरकिना फासोले अब इजिप्टलाई उछिन्न सक्ने छैन् । अफ्रिकाको विश्वकप छनोट दुई वर्ष अगाडि सुरु भएको थियो र यस म्याराथन यात्रामा ३३ वर्षीय सलाहले नौ गोल गरिसकेका छन् ।
उनले यसपल्टको खेलमा १४ र ८४ औं मिनेटमा गोल गरे । गोलको खाता भने इब्राहिम एडेलले आठौं मिनेटमा खोले । अफ्रिकाबाट अबको विश्वकपमा छनोट हुने इजिप्ट तेस्रो देश रहेको छ । यसअघि मोरक्को र ट्युनिसियाले पनि विश्वकपको टिकट काटिसकेका छन् ।
