इंग्लिस प्रिमियर लिगमा चेल्सीले शनिबार लिरभपुललाई २–१ ले पराजित गरेसँगै आर्सनल लिग तालिकाको शीर्ष स्थानमा कायम रहेको हो।
काठमाडौँ — स्टेभाओले दोस्रो हाफको इन्ज्युरी समयको पाँचौं मिनेटमा गरेको गोलको मद्दतले चेल्सीले इंग्लिस प्रिमियर लिगमा शनिबार लिरभपुललाई २–१ ले पराजित गरेको छ । यस नतिजासँगै आर्सनल लिग तालिकाको शीर्ष स्थानमा कायम रह्यो ।
आर्सनलले यसअघि वेस्ट ह्यामलाई २–० ले हराएको थियो । आर्सनलको सात खेलबाट १६ अंक छ भने लिभरपुल एक अंक पछाडि छ । चेल्सी भने ११ अंकमा छैटौं स्थानमा रह्यो ।
स्टायनफोर्ड ब्रिजमा भएको खेलमा चेल्सीले मोइस काइसेडोको गोलले अग्रता लिएको थियो । त्यसपछि कोडी गाक्पोले लिभरपुलका लागि बराबरी गोल फर्काए ।
शनिबारका अन्य खेलमा म्यानचेस्टर युनाइटेडले सन्डरल्यान्डलाई २–० र टोटनहमले लिड्स युनाइटेडलाई २–१ ले पराजित गर्यो ।
