काठमाडौँ — भारतले वेस्ट इन्डिजविरुद्धको पहिलो टेस्टको दोस्रो दिन शुक्रबार आफ्नो स्थिति अझ बलियो बनाएको छ । दिनको खेल समाप्त हुँदा भारतले आफ्नो पहिलो इनिङ्समा पाँच विकेटमा ४ सय ४८ रन बनाएको छ र यो २ सय ८६ रनको अग्रता हो ।

अहमदाबादको नरेन्द्र मोदी स्टेडियममा रवीन्द्र जडेजा १ सय ४ र वासिङ्टन सुन्दर नौ रनमा खेलिरहेका छन् । भारतका लागि जडेजासँगै तीन ब्याटरले आ–आफ्नो शतक बनाए ।

त्यसमध्ये ओपनर केएल राहुलले सय रन बनाए भने ध्रुव जुरेलले १ सय २५ रन बनाए । यस्तै, कप्तान शुभमन गिलले ५० रन जोडे । जुरेलले जडेजासँग मिलेर पाँचौं विकेटका लागि २ सय ६ रनको साझेदारी गरे ।