काठमाडौँ — नयेफ अग्वार्डले खेलको पाँचौँ मिनेटमा गरेको एक मात्र गोलमा मार्सेले फ्रान्सेली लिग वानमा सोमबार पेरिस सेन्ट जर्मेन (पीएसजी) लाई १–० ले हराएको छ । नयाँ सिजनमा पीएसजीको यो पहिलो हार हो ।

यो खेल आइतबार नै हुनु पर्ने थियो, तर दक्षिण फ्रान्समा हावाहुरीसहित भारी वर्षा हुने सम्भावनाबीच खेल एक दिन पछाडि सारिएको थियो । स्तब्धपूर्ण हारपछि पीएसजी शीर्ष स्थानमा उक्लिन असफल रह्यो ।

पीएसजी १२ अंकमा दोस्रो स्थानमा रह्यो । समान १२ अंकमा मोनाको पहिलो स्थानमा रह्यो । लियोन र स्ट्रबर्ग पनि समान १२ अंकमा शीर्ष चारभित्र छन् । मार्से भने नौ अंकमा छैटौं स्थानमा छ ।