तिलोत्तमा — ३७ औं  झरना रनिङ  शिल्ड नकआउट प्रतियोगिताको उद्घाटन खेलमा बीपी कोइराला  स्पोर्ट्स  क्लब  विजयी भएको छ । उसले नवयुवा खेलकुद तथा सांस्कृतिक युवा क्लबलाई  हराएको हो।

खेलको सुरुवाती ५ मिनेटमै नवयुवा क्लबका खेलाडी सुदीप पुलामीले आत्मघाती गोल गरे। खेलको १३ औं  मिनेटमा नवयुवाका क्याप्टेन संगम सोमरेले गोल फर्काए । त्यसलगत्तै बीपी कोइराला स्पोर्ट्स  क्लबका सरोज दर्लामीले गोल गरे । नवयुवाको आत्मघाती गोल बीपीका लागि विजेता गोल बन्यो । 

खेलमा प्रथम हुने टिमले ३ लाख ४१ हजार रुपैयाँ सहित ट्रफी, मेडल तथा प्रमाणपत्र प्राप्त गर्नेछ भने दोस्रो  हुने ले १ लाख ८६ हजार पुरस्कार पाउनेछ । साथै अन्य विधामा समेत पुरस्कारको व्यवस्था गरिएको झरना स्पोर्ट्स  क्लबका सचिव मोहनसिंह रानाले जानकारी दिए ।

बिहीबार लुम्बिनी  फुटबल क्लब दाङ  र जनज्योति फूटबल क्लब डिङ्गनगरबीच प्रतिस्पर्धा हुनेछ । झरना रनिङ  शिल्डमा १२ टिमको सहभागिता छ । प्रतियोगिता असोज १३ सम्म चल्नेछ ।