लन्डन — चेल्सीका स्ट्राइकर लियम डेलप डिसेम्बरसम्म मैदान बाहिर रहने भएका छन् । इन्टरनेसनल ब्रेक हुनुअघि फुलहमसँगको खेलमा
ह्यामस्ट्रिङ भएपछि उनले १४ मिनेटमै मैदान छाडेका थिए । चेल्सीले विवादास्पद उक्त खेल २–० ले जितेको थियो ।
चेल्सीका व्यवस्थापक इन्जो मारेस्काले शुक्रबार जनाएअनुसार डेलप १० देखि १२ साता खेल्न नसक्ने भएका छन् । चेल्सीले यी २२ वर्षे स्ट्राइकर नोभेम्बरसम्म फर्किने आस राखेको छ । यसले चाडपर्वको बेला व्यस्त तालिकामा चेल्सीलाई राहत प्रदान गर्दथ्यो । डेलपले शल्यक्रिया गर्न नपर्ने विश्वास पनि चेल्सीको छ ।
