दुबई — कमजोर ब्याटिङ प्रदर्शन गरे पनि पाकिस्तानले शुक्रबार एसिया कप क्रिकेटमा विजयी सुरुआत गरेको छ । पाकिस्तानले दुबईमा शुक्रबार आफ्नो पहिलो खेलमा ओमानलाई ९३ रनले पराजित गर्यो ।
१ सय ६१ रनको लक्ष्य पाएको ओमान दुबई इन्टरनेसनल क्रिकेट रंगशालामा १६.४ ओभरमा केवल ६७ रनमै अलआउट भयो । हमाद मिर्जाले २७, ओपनर अमिर कलिमले १३ र सकिल अहमदले १० रन बनाउनु बाहेक ओमानका अन्यले दोहोरो स्कोर बनाउन सकेनन् ।अहमद आउट हुने अन्तिम खेलाडी थिए ।
