कास्की — खेलकुदमा पोखराले यो महिना राम्रो अवसर पाएको थियो महिला फ्रेन्चाइज लिग भलिबल हुनु । जेन–जीको प्रदर्शनपछि सिर्जित घटनाक्रमका कराण लिग सफल हुन सकेन । खेल्न र घुम्न नेपाल आएका विदेशी खेलाडीले अविस्मरणीय घटना सामना गर्नुपर्यो । खेलाडी बसेको होटलमै प्रदर्शनकारीबाट आगो लगाइयो ।
अहिले विदेशी खेलाडी जतिसक्दो छिटो स्वदेश फर्कन चाहिरहेका छन् । नेपालको वर्तमान अवस्था र खेलाडीमा उत्पन्न मनोवैज्ञानिक त्रासका कारण भलिबल लिग अनिश्चितकालका लागि स्थगित गरिएको छ । विदेशबाट आएका सबै खेलाडी सुरक्षित रहेको र आफ्नो देश फर्कनका लागि काठमाडौं पुगिसकेको लिग आयोजक इन्फिनिटी ड्रिम्सकी सीईओ स्नेभी चापागाईंले जानकारी गराइन् ।
