देशको हालको अवस्थालाई ध्यानमा राख्दै एन्फाले खेल स्थगित गर्ने निर्णय गरेको छ। केन्द्रीय कमिटी सदस्यहरूबीच यसबारे छलफल भएको थियो।
काठमाडौँ — नेपाल र बंगलादेशबीच मंगलबार हुने दोस्रो अन्तर्राष्ट्रिय मैत्रीपूर्ण खेल रद्द गरिएको छ । अखिल नेपाल फुटबल संघ (एन्फा) ले सोमबार विज्ञप्ति जारी गर्दै खेल नहुने बताएको हो ।
एन्फाले भनेको छ, ‘देशमा देखा परेको हालको अवस्थालाई मध्यनजर गरेर खेल स्थगित गरिएको छ ।’ त्यसअगाडि खेल गर्ने अथवा नगर्नेबारे एन्फाको केन्द्रिय कमिटीका सदस्यबीच छलफल भएको थियो ।
बंगलादेशी राष्ट्रिय टिम फिफा–विन्डोमा दुई अन्तर्राष्ट्रिय खेल खेल्न काठमाडौं आएको हो । त्यसमध्ये दुई टिमबीचको पहिलो खेल शनिबार भएको थियो र त्यो गोलरहित बराबरीमा टुंगेको थियो ।
