संखुवासभा — संखुवासभा व्याडमिन्टन संघको आयोजनामा छैटौँ नरबहादुर विष्णुमाया श्रेष्ठ स्मृति जिल्लास्तरीय खुल्ला पुरुष डबल व्याडमिन्टन प्रतियोगिता भदौ २७ देखि हुने भएको छ।

प्रतियोगिता भदौ २७ गतेदेखि हुने प्रतियोगिता अझ भव्य र प्रतिस्पर्धात्मक हुने दाबी गरेको छ। प्रतियोगितामा जिल्लाका साथै प्रदेशका विभिन्न टिमहरुको समेत सहभागिता रहने भएकाले स्तर थप उच्च हुने अपेक्षा गरिएको छ ।

खेल संयोजक जानकी बल्लभ पोख्रेलका अनुसार प्रतियोगिता नरबहादुर विष्णुमाया श्रेष्ठ स्मृति प्रतिष्ठानको सहयोगमा सञ्चालन हुने भएको हो ।बुधबार आयोजकले पत्रकार सम्मेलन आयाेजना गरेर पुरस्कारको व्यवस्था पनि आकर्षक गरिएको जनाएको छ ।

प्रतियोगितामा प्रथम हुने टिमलाई ३५ हजार रुपैयाँ नगदसहित ट्रफी, मेडल र प्रमाणपत्र प्रदान गरिनेछ । उपविजेता टिमले २० हजार रुपैयाँ प्राप्त गर्नेछ भने सेमीफाइनलमा पुग्ने दुई टिमलाई जनही ५/५ हजार नगद पुरस्कार दिइनेछ ।