तेस्रो वरीयताकी अमेरिकी खेलाडी कोका गउफलाई सजिलै पराजित गर्दै उनी यूएस ओपनको क्वाटरफाइलन पुगेकी हुन् ।
काठमाडौँ — जापानी खेलाडी नाओमी ओसाका तेस्रो वरीयताकी अमेरिकी खेलाडी कोका गउफलाई सजिलै पराजित गर्दै मंगलबार यूएस ओपनको क्वाटरफाइलन पुगेकी छिन् । चारपल्टको ग्रान्ड स्लाम विजेता ओसाकाले ६–३ र ६–२ को जित निकालिन् ।
यो जितपछि ओसाका सन् २०२१ यता पहिलोपटक कुनै ग्रान्ड स्लाम प्रतियोगिताको क्वाटरफाइनल पुगेकी हुन् । सन् २०२३ मा छोरीलाई जन्म दिएपछि उनी गत वर्ष मात्रै फेरि सक्रिय टेनिसमा फर्केकी हुन् ।
प्रतियोगिताको क्वाटरफाइनल पुग्ने अर्को खेलाडीमा उपाधिका प्रत्यासी इगा स्वाटिक पनि रहिन् । उनले इकेटेरिना एलेक्जान्ड्रोभालाई ६–३ र ६–१ ले पराजित गरिन् ।
पुरुषतर्फ आठौं वरीयताका एलेक्स डे मिनुरले क्वाटरफाइनल प्रवेशका लागि स्विस क्वालिफायर लियान्ड्रो रेडीको चुनौती ६–३, ६–२ र ६–१ ले समाप्त पारे ।
