काठमाडौँ — नेपाल बुद्धिचाल महासंघले दोस्रो नेसनल फ्रिडम एसियन चेस इनिसिएटिभ युथ, क्याडेट तथा गर्ल्स चेस च्याम्पियनसिप भदौ १३ र १४ मा आयोजना गर्ने भएको छ ।

ब्वाइज र गर्ल्स दुवै विधामा गरी ६ फरक उमेर समूहमा हुने प्रतियोगितामा यू–१८, यू–१६, यू–१४, यू–१२, यू–१० र यू–८ तर्फका खेलाडीले भाग लिन पाउनेछन् । 

बुद्धिचाल महासंघको चेस ट्यालेन्ट हन्टका रूपमा हुने प्रतियोगितामा देशका ५ सयभन्दा बढी विद्यार्थी खेलाडी सहभागी रहने छ ।

३ लाख ३६ हजार पुरस्कार रहेको प्रतियोगिताका प्रत्येक विधाका विजेताले १० हजार, उपविजेताले ७ हजार र तेस्रो हुनेले ४ हजार पुरस्कार जित्नेछन् ।

दोस्रो नेसनल फ्रिडम एसियन चेस प्रतियोगिता सञ्चालन गर्न लाग्ने १० लाख खर्चमध्ये काजकिस्तान चेस फेडेरसनले नगद पुरस्कार सहयोग गर्ने महासंघले जनाएको छ ।