सुरुवाती दुई खेल जितेर त्यसमा कुनै गोल नखर्चेको बुटवल–लुम्बिनीले संकटाविरुद्ध भने दबाब सिर्जना गर्न सकेन । संकटाका लागि कप्तानको भूमिकामा रहेकी सिमरन राईले १२ औं मिनेटमा गोलको खाता खोलिन् । यसका लागि उनले पेनाल्टी एरिया बाहिरबाट गरेको चलाखीपूर्ण प्रहारले पोस्टको दिशा लिएको थियो ।

त्यसपछि सेनु परियारले ३५ र रेनिश शर्माले ८८ औं मिनेटमा गोल गरिन् । समूह ‘ए’ तर्फबाट आइतबारकै खेलमा छहारी र राप्तीले गोलरहित बराबरी खेले । यस नतिजापछि अपराजित छहारी सात अंकमा समूहको शीर्षमा रह्यो । राप्तीको भने तीन खेलबाट चार अंक भएको छ ।