काठमाडौँ — एनआरटी र संकटा क्लब घरेलु फुटबलका सबैभन्दा नजिकका प्रतिद्वन्द्वी हुन् । त्यसको झल्को अब महिला फुटबलमा पनि सर्ने भएको छ । अहिले चलिरहेको एन्फा महिला लिग छनोटमा दुवै टिम एउटै समूहमा छन् । सम्भवतः त्यसको शीर्षस्थानमा यिनै दुई टिम भिड्ने छन् ।

सजिना स्याङ्तानको ह्याट्रिकप्रेरित एनआरटीले समूह ‘बी’ को बिहीबार भएको खेलमा लम्की फुटबल एन्ड टेनिङ सेन्टरलाई ७–२ ले हरायो । एनआरटी २ खेलबाट ६ अंकसहित शीर्षस्थानमा उक्लेको छ । संकटा पनि ६ अंकमै दोस्रो स्थानमा छ । बुटवल–लुम्बिनी एफसीको पनि ६ अंक छ । टोली तेस्रो स्थानमा छ । लम्की भने लगातार दोस्रो हारपछि अंकविहीन रहेर पुछारबाट दोस्रोमा रह्यो । 

सातदोबाटोस्थित एन्फा कम्प्लेक्समा भएको दिनको दोस्रो खेल पहिलो हाफसम्म प्रतिस्पर्धात्मक देखिएको थियो । दोस्रो हाफमा भने एनआरटीको एकोहोरो प्रभुत्व रहेको थियो । सजिनाले ११ औं र प्रतीक्षा ठकुरी २६ औं मिनेटमा गोल गर्दै एनआरटीलाई २ गोलले अगाडि राखे । तुलसा बोहराले ३० औं मिनेटमा लम्कीबाट गोल गरिन् । लगत्तै प्रतीक्षाले ३४ औं मिनेटमा एनआरटीका लागि तेस्रो गोल थपिन् । दोस्रो हाफ सुरु