काठमाडौँ — ग्यालेक्सी पब्लिक स्कुल तेस्रो न्यु जेनिथ कप अन्तरविद्यालय बास्केटबल प्रतियोगिताको सिनियर गर्ल्समा क्वाटरफाइनल पुगेको छ ।

आयोजक न्यु जेनिथको कोर्टमा शुक्रबार ग्यालेक्सीले राराहिललाई ९–३ स्कोरले पराजित गर्‍यो । ग्यालेक्सीकी झाङजोम डोल्कीले ४ स्कोर गरिन् ।

सिनियर गर्ल्सको क्वाटरफाइनल समीकरण पूरा भएको छ । क्वाटरफाइनलमा ग्यालेक्सीको भेट युरो स्कुलसँग हुनेछ । क्वाटरफाइनल  स्वर्णिम र रेडियन्ट पब्लिक, केसीसीएस र राराहिल तथा रिब्स र जेसिसबीच प्रतिस्पर्धा हुनेछ ।

सिनियर ब्वाइजमा ब्राइट होराइजनले नवोदितलाई ४०–१६, कश्यपले गुरुकुलमलाई ३६–२६, राराहिलले ग्यालेक्सीलाई ४४–४२ र युरोले हार्टल्यान्ड एकेडेमीलाई २८–२१ स्कोरले हराएर प्रिक्वाटरफाइनलमा पुगे । होराइजनका मनताराले १३, कश्यपका इशान तिमिल्सिनाले २४, राराहिलका कृष्ण बिकले १८ र युरोका स्पर्श प्रधानले १६ स्कोर जोडे ।

सिनियर ब्वाइजमा प्रिक्वाटरफाइनल समीकरण तयार भएको छ । प्रिक्वाटरफाइनल पिपुल्स एकेडेमी र आनन्दकुटी, आयोजक न्यु जेनिथ र कश्यप, मनास्लु र पुष्पसदन, स्वर्णिम र ग्यालेक्सी, राराहिल र बेबी एन्जल, ब्राइट होराइजन र युरो, ज्ञान निकेतन र भ्याली भ्यु तथा कन्स्टिलेसन र एनआईसी एकेडेमीबीच हुनेछ ।