काठमाडौँ — आयोजक न्यु जेनिथ मोडेल स्कुलले तेस्रो जेनिथ कपअन्तर्गत अन्तरविद्यालय बास्केटबलको सिनियर ब्वाइजमा एभीएमलाई ४७–३८ स्कोरले पराजित गरेको छ ।

मंगलबार घरेलु कोर्टमा न्यु जेनिथको जितमा अमित तामाङले २७ स्कोर गरे । सिनियर ब्वाइजमै कन्स्टिलेसनले रेडियन्ट पब्लिकलाई ३४–३०, राराहिलले वीरसेवालाई ४०–२०, ज्ञान निकेतनले युरो स्कुललाई ६४–५७ र स्वर्णिमले बेबी एन्जललाई ३३–१८ ले हराए । कन्स्टिलेसनका कुशल श्रेष्ठले १६, राराहिलका कृष्णले ७, ज्ञानका महेन्द्र प्याकुरेलले १७ र स्वर्णिमका प्रतीक महर्जनले १७ स्कोर गरे ।

गर्ल्समा रेडियन्ट पब्लिकले नवीनज्योतिलाई १४–६, राराहिलले न्यु जेनिथलाई १०–२, केसीसीएसले युरोलाई १४–१० र स्वर्णिमले जेसिसलाई १९–२ ले हराए । रेडियन्टकी सेजल रोकाले ९, राराहिलकी अलिशा ओलीले ८, केसीसीएसकी पुनम महर्जनले ७ र स्वर्णिमकी हिसी ल्हामु लामाले ११ स्कोर जोडे ।