चौथो बागमती प्रदेशस्तरीय लिग तेक्वान्दोमा सुभाषले स्वर्ण जिते, अन्य खेलाडीहरूले विभिन्न प्रतियोगितामा कांस्य पदक जित्दै गौरव बढाए।
काठमाडौँ — हिमालयन एकेडेमी नेपालले विभिन्न प्रतियोगितामा पदक जित्न सफल एसकेबीसी तेक्वान्दो डोजाङका खेलाडीलाई सम्मान गरेको छ । एसकेबीसी तेक्वान्डो डोजाङका खेलाडीको जुनियर ग्रेडिङ कार्यक्रममा खेलाडीलाई सम्मान गरिएको हो ।
सुभासचन्द्र बोहरा, तुषारसिंह ठकुरी, दक्षता रावल, एलेक्सा पाण्डे, आभाष देव, दिप्सन थापा र दिपन थापा सम्मानित भए । चौथो बागमती प्रदेशस्तरीय खुला लिग तेक्वान्दो प्रतियोगितामा सुभाषले स्वर्ण र तुसारले कांस्य जितेका थिए ।
दक्षताले मदन भण्डारी राष्ट्रिय तेक्वान्दो प्रतियोगिता र दोस्रो एसकेबीसी बागमती प्रदेश आमन्त्रण तेक्वान्डो प्रतियोगितामा कांस्य जितेकी थिइन् ।
दोस्रो एसकेबीसी बागमती प्रदेश आमन्त्रण तेक्वान्दो प्रतियोगितामा एलेक्साले स्वर्ण, आभाषले कांस्य र दिप्सनले कांस्य जितेका थिए ।
दिपनले काठमाडौं जिल्लास्तरीय बृहत खेलकुदमा कांस्य जितेका थिए । उनीहरूलाई टोखा नगरपालिका वडा ५ का अध्यक्ष मदान गुरुङ र एसकेबीसीका डोजाङ प्रमुख रन्जितबहादुर डंगौराले सम्मान गरे ।
