काठमाडौँ — सीसीआरसी र प्रिमियरले ग्लोबल हुप फेस्टअन्तर्गत अन्तरकलेज प्लस टु छात्र बास्केटबल प्रतियोगितामा शनिबार जित पाएका छन् ।

सीसीआरसीले पुष्पसदनलाई ६३–३२ ले पराजित गर्दा टोली सुरेश मगरले १४ स्कोर गरे । पहिलो क्वाटरमा १६–१० को अग्रता बनाएको सीसीआरसीले अन्तिमसम्म जोगाएर खेल जितेको हो । दुवैको यो पहिलो खेल हो ।

प्रिमियरले बर्नहार्टलाई ५२–२३ ले हराएर लगातार दोस्रो जित दर्ता गर्‍यो । प्रिमियरका प्रथमले १३ स्कोर गरे । बर्नहार्टको पहिलो हार हो । प्रिमियरले सुरुका तीन क्वाटर आफ्नो पक्षमा पार्दै जितको आधार खडा गरेको थियो ।

रोयल स्पोर्ट्स सेन्ट्रलमा भएको खेलमा जेभियर र टाइम्स कलेजले सफलता पाए । दुवैले २–२ खेल खेलेको छ । जेभियरको लगातार दोस्रो जित हो भने टाइम्स पहिलो जित निकाल्न सफल भयो ।