लन्डन — रुसकी अनास्टासिया पाभ्लीउचेनकोभाले आइतबार चौथो चरणको खेलमा विजय हात पारिन् । सेन्ट्रल कोर्टमा दुई घण्टाभन्दा बढी चलेको खेलमा उनले ब्रिटिस खेलाडी सोनाय कार्टललाई ७–६ (७/३), ६–४ ले पराजित गरेकी थिइन् । खेल विवादले भरिपूर्ण रह्यो । 

तर त्यसमा प्राविधिक समस्या देखियो । विम्बल्डनको १ सय ५० वर्षको इतिहासमा पहिलो पटक निर्णायकलाई ‘अटोमेटेड सिस्टम’ ले विस्थापित गरेको छ । पहिलो सेट निकै प्रतिस्पर्धात्मक चलिरहेको अवस्थामा कम्प्युटरले काम नगर्दा खेलको लय नै मोडियो, जुन निर्णायक हुन सक्थ्यो । 

४–४ को स्थिति रहेको समयमा पाभ्लीउचेनकोभासामु दुई ब्रेक प्वाइन्ट रहेको थियो, त्यसलाई गेम प्वाइन्टसम्म पुगाएकी थिइन् । कार्टलले ब्याकह्यान्डमा गरेको प्रहार स्पष्ट रूपमा बेसलाइनल बाहिर झरेको थियो, तर त्यसमा जजबाट कुनै कल आएन । चेयर अम्पायर निको हेलवेर्थले ‘स्टप स्टप’ भन्दै खेल रोकेका थिए । चेयर अम्पायर हेलवर्थले दर्शकहरूलाई ‘सिस्टम परिक्षण भइरहेको की नभएको भनेर हेरिरहेका छौं, किन भने त्यसमा कुनै अडियो कल छैन ।’