काठमाडौँ — कर्मचारी खेलकुद प्रतिष्ठान नेपाल (इसान) ले १४ औं कर्मचारी खेलकुद प्रतियोगिता यही जेठ २१ देखि २८ गतेसम्म आयोजना गर्ने भएको छ ।

खेलकुदमा फुटसल, ब्याडमिन्टन र टेबलटेनिसको प्रतियोगिता गरिनेछ । प्रतियोगितामा नेपाल सरकारका पूर्ण र आंशिक स्वामित्वमा रहेका सार्वजनिक संस्थान, बैंक तथा वित्तीय संस्था, बिमा कम्पनी, दूरसञ्चार सेवा प्रदायक कम्पनी र वायुसेवा कम्पनीहरूले भाग लिने पाउनेछ ।

फुटसलमा ४ महिला र १५ पुरुष टोलीको सहभागिता रहनेछ । ब्याडमिन्टनमा महिला तथा पुरुष सिंगल/डबल्स, भेट्रान्स सिंगल/डबल्स (४५ वर्षमाथि) एक्जुकेटिभ डबल्स (तह ९ वा प्रथम श्रेणी र त्यसभन्दा माथिल्लो तहका कर्मचारी समावेश) मा प्रतिस्पिर्धा हुनेछ ।

टेबलटेनिसमा महिला तथा पुरुष सिंगल/डबल्स, मिक्स डबल्स र एक्जुकेटिभ सिंगल (तह ९ वा प्रथम श्रेणी र सो भन्दा माथिल्लो तहका कर्मचारी) को स्पर्धा समावेश गरिएको संघका अध्यक्ष रामविनय श्रेष्ठले जानकारी गराए ।