काठमाडौँ — आजदेखि सुर्खेतको वीरेन्द्र नगरमा सुरु भएको यू–१६ राष्ट्रिय क्रिकेट प्रतियोगिताको पहिलो खेलमा कर्णालीका कप्तान विपिन शर्माले उत्कृष्ट सुरुवात गरेका छन् ।
मधेश प्रदेशविरुद्ध बलिङ गर्ने क्रममा उनले लगातार पाँच ओभर मेडन राख्दै एक विकेटसमेत लिएका छन् ।
एक दिवसीय प्रतियोगितामा घरेलु क्रिकेटमा लगातार पाँच ओभरसम्म मेडन राख्दै एक विकेटसमेत लिने विपिन पहिलो बलर हुन् ।
एनपिएलबाट उदायका स्टार बलर शर्माले मधेश प्रदेशलाई दबाबमा राखेका छन् ।
