यू–१८ मा ब्वाइजतर्फ सुशान्त कडाल र गर्ल्सतर्फ अभानी राई च्याम्पियन बनेका छन् । सुशान्त र उपविजेता सिद्धान्त सापकोटा दुवैले समान ३८ स्कोर गरेका थिए । काउन्टब्याकका आधारमा सुशान्त विजयी भए । गर्ल्सतर्फ अभानीले ३१ र उपविजेता यशस्वी श्रेष्ठले २३ स्कोर गरेका थिए । यू–१६ ब्वाइजतर्फ दिप्सन लामा ४५ र अविरल बराल ४३ स्कोर गर्दै क्रमशः पहिलो र दोस्रो भए ।

पार्वती सुवेदी २८ र गीता तामाङ २७ स्कोर गर्दै लेडिज क्याडीतर्फ विजेता र उपविजेता बने । आरएनजीसीका अध्यक्ष मधुकर याक्थुम्बाले आफ्नो पिताको नाममा तीन वर्षदेखि यो प्रतियोगिता गर्दै आएका छन् । विजेतालाई अध्यक्ष याक्थुम्बासहित ज्ञान फाउन्डेसनकी प्रमुख प्रमुख इन्दिरा याक्थुम्बा, नेपाल गल्फ संघका अध्यक्ष टासी घले, आरएनजीसीका क्याप्टेन मिथुन राई र लेडिज क्याप्टेन आर्सिया बानुले पुरस्कृत गरे । प्रतियोगिता समापनमा खेलकुदका तीन सञ्चारकर्मी श्याम चित्रकार, महेश आचार्य र सरिता श्रेष्ठलाई सम्मान गरिएको थियो । इन्दिरा याक्थुम्बाले उनीहरूलाई सम्मान प्रदान गरे ।