तिलोत्तमा — रुपन्देहीमा वैशाख ६ गतेदेखि १० औं मणिमुकुन्द कप पुरुष भलिबल इन्डो–नेपाल क्लब च्याम्पियनसिप २०८२ हुने भएको छ ।

स्वास्थ्यका लागि खेलकुद, राष्ट्रका लागि खेलकुद भन्ने नारालाई आत्मसाथ गर्दै मणिमुकुन्द क्लबको आयोजनामा हुने प्रतियोगितामा ३ विभागीय क्लबसहित भारतीय एक क्लब गरी ९ टिमको सहभागिता रहने शनिबार आयोजित पत्रकार सम्मेलनमा जानकारी गराइएको छ ।

प्रतियोगितामा प्रथम हुने टिमले ३ लाख ११ हजार १ सय ११ रुपैयाँसहित ट्रफी, मेडल र प्रमाणपत्र प्राप्त गर्नेछन् । त्यस्तै, द्वितीय हुने टिमले २ लाख, ११ हजार १ सय ११ प्राप्त गर्नेछन् । तृतीय हुनेले १ लाख ११ हजार १ सय ११ रुपैयाँ पुरस्कार राखिएको छ । खेलमा सान्त्वना स्थान हासिल गर्ने टिमले ६६ हजार ६ सय ६६ रुपैयाँ प्राप्त गर्नेछन् ।