नयाँ दिल्ली — भारतीय टिमका तीव्र गतिका बलर र मुम्बई इन्डियन्सका खेलाडी जसप्रीत बुमराह सवमबार आरसीबीविरुद्ध हुने खेलमा सहभागी हुने भएका छन् ।
मुम्बई इन्डियन्सका हेड कोच महेला जयवर्धनले यसको पुष्टि गरेका हुन् । उनले भनेका छन्, ‘उनी (जसप्रीत बुमराह) अब उपलब्ध हुनेछन् । उनले आइतबार अभ्यास पनि गरेका छन् ।’
जयवर्धनले रोयल च्यालेन्जर्स बेंगलुरुविरुद्ध हुने खेलका लागि बुमराह तयार रहेको बताएका छन् ।
मुम्बई इन्डियन्सले जारी आईपीएलमा अहिलेसम्म खेलेका चार मध्ये एक मा मात्र जित हासिल गर्न सकेको छ ।
तीव्र गतिका बलर बुमराह कमरमा आएको चोटका कारओ जवरीदेखि भारतीय टिमबाटसमेत बाहिर थिए । जसकारण उनले च्याम्पियन्स ट्रफीसमेत गुमाएका थिए ।
