जवाफमा ललित राजवंशीको टिम पूर्वेलीले २० ओभरमा ९ विकेट गुमाएर १ सय ५१ रनमात्र बनाउन सक्यो । अर्जुन साउदले ३ चौका र ३ छक्का मदतमा ३६, चिराग शाहले ३४ र मुकुन्द यादवले २७ रन बनाए । भोक्राहाका शेर मल्लले १४ रन खर्चेर ४ विकेट लिए । रोहन शाह र सिद्धान्त ढुंगानाले २–२ विकेट लिए । भोक्राहा र नमुनाबीचको उपाधी भिडन्त शनिबार हुनेछ ।

विजेताले ५ लाख र उपविजेताले ३ लाखसहित ट्रफी जित्नेछ । बिहीबारै अन्तिम खेलमा एनबीएससी लायन बिराटनगरले सान्त्वना जित पाएको छ । लगातार पाँचौं खेल हारेको टोलीले अन्तिम खेलमा दुहबी क्यापिटलमामाथि ७१ रनको जित निकालेको हो । विनोद भण्डारी, लोकेश बम, विवेक यादवसम्मिलित दुहबीको यो लगातार छैटौं हार हो ।