नेपालगन्ज — बाँकेको कोहलपुरमा मुख्यमन्त्री गोल्डकप हुने भएको छ । कोहलपुर रेसिङ सहारा क्लबको आयोजनामा १७ फागुनदेखि मुख्यमन्त्री कोहलपुर गोल्डकप हुने भएको हो ।

कोहलपुरको १३ बिघामा हुने प्रतिगोगिता २४ फागुनसम्म सञ्चालन हुनेछ । गोल्डकपको यो तेस्रो संस्करण हो ।

आयोजकका अनुसार प्रतियोगिताको कुल लागत ९१ लाख २६ हजार रुपैयाँ आकलन गरिएको छ । प्रतियोगितामा ए डिभिजन क्लकलाई सहभागी गराउने प्रयास भइरहेको क्लबका अध्यक्ष चक्रबहादुर चिमाल क्षेत्रीले  बताए ।

खेल फिफाको नियमअनुसार हुनेछ । विजेता टिमले ८ लाख र उपविजेताले ४ लाख धनराशिको पुरस्कार पाउने क्लबका सचिव नवकिरण शाहले जानकारी दिए । 

म्यानअ फ द टुर्नामेन्टलाई ५१ हजार दिइने छ भने वेस्ट कोच, वेस्ट डिफेन्डर, वेस्ट किपर, वेस्ट हाइस्कोरले १०/१० हजार तथा म्यान अफ द म्याचले ५ हजार रुपैयाँ पाउने पनि शाहले बताए । आयोजकका अनुसार प्रतियोगिताका लागि कोहलपुर नगरपालिकाले २१ लाख रुपैयाँ सहयोग गर्ने भएको छ ।