काठमाडौँ — एन्फा महिला लिग फुटबलमा आइतबार प्लेअफ खेल्ने चार टिम निश्चित भएको छ । आर्मीले प्रतियोगिताको फाइनल प्रवेशका लागि क्वालिफायर–१ मा एपीएफ क्लबको सामना गर्ने भएको हो । अन्तिम लिग तालिकाको शीर्षस्थानमा रहने टिमबारे मात्रै अब निर्णय हुन बाँकी छ । 

आर्मीले सातदोबाटोस्थित एन्फा कम्प्लेक्स मैदानमा आइतबार भएको खेलमा वालिङ नगरपालिका टिमलाई ६–१ गोलले पराजित गरेपछि क्वालिफायर–१ मा प्रवेश गरेको हो । यो नजितासँगै आर्मी अन्तिम लिग तालिकाको शीर्ष दुई स्थानमा रहने निश्चित भएको छ । 

हारले प्रतियोगितामा वालिङको चुनौती समाप्त भएको छ । यसको अर्थ इलिमिनेटरमा पुलिसले बागमती युवा क्लबको सामना गर्नेछ । पुलिस तेस्रो र बागमती चौथोमा रहने निश्चित भएको हो । 

आर्मीको ७ खेलबाट १६ अंक भएको छ । यो शीर्षमा रहेको एपीएफसँग २ अंकको दूरी हो । पुलिस भने सातै खेलबाट ११ अंकमा छ । बागमती भने ४ अंक छ र वालिङले उसलाई उछिन्न सक्ने छैन ।