काठमाडौँ — आर्मीले एन्फा वुमेन्स लिगको फाइनल प्रवेशका लागि एपीएफको सामना गर्ने भएको छ । आर्मीले सातदोबाटोको एन्फा कम्प्लेक्समा आइतबार भएको खेलमा वालिङलाई ६–१ ले पराजित गरेपछि यो उपलब्धि चुमेको हो ।

यो नजितासँगै आर्मी अन्तिम लिग तालिकाको शीर्ष दुई स्थानमा रहने निश्चित भएको छ । हारले प्रतियोगितामा वालिङको चुनौती समाप्त भएको छ । यसको अर्थ इलिमिनेटरमा पुलिसले बागमतीको सामना गर्नेछ ।

आर्मीको सात खेलबाट १६ अंक भएको छ र यो शीर्षमा रहेको एपीएफसँग २ अंकको दूरी हो । पुलिस भने सातै खेलबाट ११ अंकमा छ । बागमती भने ४ अंक छ र वालिङले उसलाई उछिन्न सक्ने छैन ।

चन्द्रा भण्डारीले आर्मीको पछिल्लो जितमा ह्याट्रिकसहित पाँच गोल गरिन् । उनले १५, २४, ५३, ६८ र ७३ औं मिनेटमा गोल गरिन् । उनी नै खेलको ‘प्लेयर अफ द म्याच’ रहिन् ।