काठमाडौँ — विश्व नम्बर १ तथा दुई पल्टकी डिफेन्डिङ च्याम्पियन आर्यना सबलेन्काले आइतबार अस्ट्रेलियन ओपन २०२५ मा विजयी सुरुवात लिएका छन् । उनले सिधा सेटमा जित निकाल्ने क्रममा अमेरिकाकी सलोनी स्टेफेन्सलाई सजिलै ६–३ र ६–२ ले हराइन् ।
सन् १९९९ यता सबलेन्का पहिलो पटक लगातार तीन पल्ट अस्ट्रेलियन ओपन जित्ने खेलाडी हुने क्रममा छिन् । यसअघि यस्तै उपलब्धि मार्टिना हिंगिसले चुमेकी थिइन् । ‘फेरि मेलबर्न फर्केकी छुं र यहाँ खेल्दा असाध्यै रमाइलो हुन्छ,’ बेलारुसकी खेलाडीले भनिन् ।
सन् २०२४ को अन्त्यमा नम्बर १ रहेकी सबलेन्कालाई प्रतियोगितामा पनि शीर्ष वरीयता प्राप्त छ । अस्ट्रेलियामा सुरु भएको वर्षको पहिलो ग्रान्ड स्लामको पहिलो दिन वर्षाले प्रभावित रह्यो र अधिकांश खेल हुन पाएनन् ।
सम्भव केही खेलमध्ये गत वर्षकी उपविजेता चीनकी झेङ छिनवेन विजयी रहिन् । उनले रोमानियाकी एनका टोडोनीलाई ७–६ र ६–१ ले पराजित गरिन् ।
