उल्भस — नुनो स्प्रिरिटो सान्टो भावनामा बग्न चाहँदैनन् । तर, उनी दंग छन् । उनको नटिङ्घम फरेस्टले उत्कृष्ट लय सोमबार पनि कायम राख्यो । फरेस्टले इंग्लिस प्रिमियर लिगमा लगातार छैटौं निकाल्ने क्रममा उल्भसलाई हरायो ।

टोली उपाधि होडमा कायम रह्यो । फरेस्टको ३–० को जित त्यसै त्यस्तै एकाएक निस्केको पनि थिएन ।

यो सिजन टिमको यो अहिलेसम्मकै सबैभन्दा ठूलो अन्तरको जितमा बराबरीसम्म भने रह्यो । फरेस्टले सिजन ९ खेलमा ‘क्लिन सिट’ मात्र राखेको छैन, अब त अंकतालिकाको शीर्षमा रहेको लिभरपुलसँगको दूरी ६ अंकमा छोट्याएको छ । संयोग कस्तो भने फरेस्टको अबको प्रतिद्वन्द्वी यही लिरभपुल नै हो । अर्को साता फरेस्टले लिभरपुललाई आतिथ्यता दिँदै छ ।

धेरै अगाडि हैन, अगस्टमा यो खेल अंकतालिकाको शीर्षस्थ टोलीबीचको खेल हुनेछ भनेर अनुमान गरेको भए पत्याउने कोही पनि थिएनन् । संयोग कस्तो छ भने लिभरपुलले यस सिजन एक खेलमात्र हारेको छ । त्यो पनि फरेस्टसँगै ।

फरेस्टले लिभरपुललाई उसकै मैदानमा १–० ले पराजित गरी टोलीका व्यवस्थापक आर्ने स्लटलाई इंग्ल्यान्डमा पहिलो हार चखाएको थियो । आर्सनलभन्दा गोल अन्तरमा मात्र पछाडि रहेर प्रिमियर लिगको अंकतालिकामा तेस्रो स्थानमा रहेको फरेस्ट त्यही टोली हो, जो गत सिजन १७ औं स्थानमा थियो । मुस्किलले टोलीले रेलिगेसन जोगाएको हो ।

‘यदि फरेस्टले लिभरपुललाई पराजित गर्छ भने टोली उपाधि दौडमा उभिनेछ,’ लिभरपुलका पूर्वकप्तान मेमी कारेघरले भने । हालैको प्रदर्शनले फरेस्टका समर्थकले अर्को सिजनमा युरोपियन प्रतियोगिता खेल्ने सपना देख्न थालेका छन् । सन् १९९५–९६ यता पहिलो फरेस्ट पहिलो पटक युरोपियन प्रतियोगितामा छनोट हुनेक्रममा छ ।

उल्भसविरुद्धको मीठो जितका लागि फरेस्टले धेरै हदसम्म आफ्नो गोलरक्षक माट्ज सेल्सलाई धन्यवाद दिनुपर्छ, किनभने यी खेलाडीले पहिलो हाफमा उत्कृष्ट बचाउ पनि गरेका थिए ।

‘म रमाइलो मानिरहेको छु,’ नुनोले खेलपछि प्रतिक्रिया दिएका छन्, ‘अहिलेसम्म हामीले जति हात पारेका छौं, त्यसका लागि उत्तिकै धेरै मिहिनेत गरेका छौं । यो खेल सजिलो रहेन । उल्भसले आक्रमण बुनेको थियो, त्यसलाई सेल्सले असफल तुल्याएका मात्रै हुन् । मलाई आफ्ना खेलाडीको प्रदर्शनप्रति गर्व छ । उनीहरू आक्रमण बुन्न चाहन्छन् र अगाडि बढेर गोल निकाल्न चाहन्छन् ।’ तर उनी सचेत गराउँदै भन्छन्, ‘फरेस्टका खेलाडीको खुट्टा भुइँमै हुनुपर्छ ।’

पोर्चुगाली प्रशिक्षक नुनोको भनाइ छ, ‘यो लिग असाध्यै धेरै प्रतिस्पर्धात्मक छ । हामीले जहिल्यै पनि उत्तिकै बलिया प्रतिद्वन्द्वीको सामना गर्नुपर्छ । त्यसैले कसैले फूर्ति लगाउनुपर्दैन, चुपचाप बसेकै ठीक छ । हामीले अहिलेसम्म केही जितेका पनि छैनौं । सिजनको अन्त्यसम्म कडा मिहिनेत जारी राख्नुपर्छ । यसले हामीलाई कम्तीमा सुखद गन्तव्यसम्म भने पुर्‍याउने छ ।’