काठमाडौँ — पुलिसले ललित स्मृति यू–१८ युथ लिगको उपाधि मंगलबार जितेको छ । उसले सातदोबाटोको एन्फा कम्प्लेक्समा भएको निर्णायक सावित खेलमा चर्च ब्वाइजलाई २–१ ले हरायो र एक खेल अगाडि नै उपाधि हात पार्न सफल रह्यो ।

यो जितपछि पुलिसको २१ खेलबाट ४८ अंक भएको छ र यो दोस्रो स्थानमा रहेको एनआरटी भन्दा सात अंक बढी हो । एनआरटी ४१ अंकमा दोस्रो तथा संकटा ३९ अंकमा तेस्रोमा छ । लिगका बाँकी खेलमा जस्तै नतिजा आएपछि अब कसैले पनि पुलिसलाई उछिन्न सक्ने छैन ।

चर्च ब्वाइजविरुद्ध खेलको पहिलो मिनेटमै पुलिसले अग्रता लिएको थियो र यो गोल विक्रम गौत्तमको नाममा रह्यो । त्यसपछि खेलको ४८ औं मिनेटमा पुलिसका कप्तान सुवास बमले दोस्रो गोल थपे ।