काठमाडौँ — नेपाली यू–१९ पुरुष टोलीले सोमबार पहिलो खेलमा हङकङ यू–१९ टिमलाई ३ विकेटले पराजित गर्दै तीन खेलको शृंखलामा अग्रता लिएको छ ।

मूलपानी क्रिकेट मैदानमा सोमबार भएको पहिलो खेलमा नेपाल युथले टस जितेपछि फिल्डिङ गर्ने निर्णय गरेको थियो । पहिला ब्याटिङ गरेको हङकङ निर्धारित ५० ओभरको खेलमा ४१.१ ओभरमा १ सय १३ रनमा अलआउट भयो ।

अब्दुल समादले अविजित ५० रन बनाए पनि हङकङले धेरै ठूलो बनाउन सकेन । उनले ५ चौका प्रहार गरे । कप्तान शिव माथुरले २९ बल खेल्दै ३ चौकासहित २० रन बनाए भने अन्यले दोहोरो स्कोर बनाउन सकेनन् । नेपालबाट सन्तोष यादवले ४ विकेट लिए । उनले ७ ओभरमा २ मेडन राख्दै ८ रनमात्र खर्चे । दयानन्द मण्डलले २, कप्तान अभिषेक तिवारी, सिब्रिन श्रेष्ठ र अपराजित पौडेलले १–१ विकेट लिए ।