पाँचथर — ‘दोस्रो इलाम गोल्डकप’को फाइनल खेल आज हुँदैछ । इलाम सदरमुकामस्थित ठूलो टुँडिखेलमा आयोजना हुने प्रतियोगितामा उपाधिका लागि न्यु रोड टिम (एनआरटी) र चर्च ब्वाइज क्लबबीच प्रतिस्पर्धा हुनेछ ।
इलाम गोल्डकपको साबिक बिजेता एनआरटीले रेड स्टार झापा र लिग बिजेता चर्च ब्वाइजले आयोजक रेड हर्स इलामलाई हराउँदै फाइनलमा पुगेका हुन् ।
मंसिर २१ गते सुरु भएको प्रतियोगितामा भारतको एकसहित नेपालका ८ टिम सहभागी थिए ।
प्रतियोगिताको विजेता टिमले नगद १० लाख र ट्रफि तथा उपविजेताले पाँच लाख र ट्रफिसहित खेलाडीले मेडल र प्रमाण–पत्र प्राप्त गर्ने छन् ।
