काठमाडौँ — काठमाडौं महानगरपालिका वडा ७ को आयोजनामा चौथो वडा अध्यक्ष कप भेट्रान फुटबल प्रतियोगिता पुस १ देखि हुनेछ ।
मोफसल ३ सहित १७ टिमको सहभागिता निश्चित भइसकेको चाबहिल स्पोर्ट्स क्लबका उपाध्यक्ष एवं प्रतियोगिता संयोजक राजेश श्रेष्ठले जनाएका छन् ।
मोफसलबाट हेटौंडा, चितवन र बीबीसी बनेपाले नाम दर्ता गराइसकेको छ । विजेताले १ लाख र उपविजेताले ५० हजार रुपैयाँ पुरस्कार प्राप्त गर्नेछन् ।
विधागत उत्कृष्टले जनही ५ हजार पाउने आयोजक वडा ७ का अध्यक्ष विमलकुमार होडाले बताए । तीनै संस्करणको उपाधि फ्रिडम फाइटरले जितेको थियो ।
