काठमाडौँ — लालीगुराँस नेसनल एकेडेमी र नर्थ भ्यालीले तारकेश्वर तेस्रो मेयर रनिङ सिल्ड खेलकुदको छात्र जुनियर बास्केटबलमा विजय नतिजा निकालेका छन् ।

घरेलु कोर्टमा लालीगुराँसले बालकुञ्जलाई २४–११ स्कोरले पराजित गर्‍यो । टोलीका प्रजेश महर्जनले १० स्कोर गरे । डेविड खड्काको ६ स्कोरमा नर्थ भ्यालीले तेजस्वीलाई १४–१० ले हरायो ।

बास्केटबलमै कौशलले मेघा पब्लिकलाई २०–९ ले, जीवनज्योतिले एन्जल्सलाई १८–१२, रोजमेरीले गुरुकुललाई ३०–२२ ले र मानसिंह धर्मले गिनिज पब्लिकलाई १६–१४ स्कोरले हराए । कौशलका अंशु खत्रीले ५, जीवनज्योतिका अमोह कार्कीले ७, रोजमेरीका दियोन भण्डारीले १८ र मानसिंहका आदित्य तामाङले ६ स्कोर गरेकाल थिए ।

छात्रामा प्रारम्भ वर्ल्ड स्कुलले जिनियसलाई २२–१२, पद्मचक्रले रोजमेरीलाई १६–११, जीवनज्योतिले कौशललाई १९–१३ र तेजस्वीले नर्थ भ्यालीलाई २३–१२ स्कोरले हराए । प्रारम्भकी लोसाङ गोम्बाले ८, पद्मचक्रकी अस्मिता ढकालले ६, जीवनज्योतिकी श्रृष्टिले ६ र तेजस्वीकी एस्थर बरुवालले ९ स्कोर बटुले । नकआउट बास्केटबलको जुनियर छात्रमा १८ र छात्रामा १४ टिम सहभागी छन् ।