पूर्वी नवलपरासी — नवलपरासीको गिरुवारीमा जारी यूनाइटेड फुटबल अन्तर्गत सोमबारको खेलमा देवचुलीलाई हराउँदै नमुना युवा क्लब पश्चमटोला विजयी भएको छ ।
प्रतिस्पर्धात्मक खेलको निर्धारित समयमा दुवै टोलीले बराबरी खेले । टाइब्रेकरमा देवचुलीलाई ४-२ गोलअन्तरले हराउँदै नमुना युवा क्लब पश्चिमटोला विजयी भएको हो ।
मंगलबार भैरव स्पोर्ट्स गोपीगञ्ज र भेडाबारी युवा क्लबबीच खेल हुनेछ । प्रतियोगिताको विजेताले २ लाख ५० हजार नगद प्राप्त गर्नेछ भने दोश्रो हुने टिमले १ लाख ५० हजार नगदसहित ट्रफी र प्रमाणपत्र प्राप्त गर्ने छ ।
सेमिफाइनलमा पुगेर बाहिरिने दुई टिमले नगद २० हजार रुपैयाँ हात पार्नेछन् ।
