काठमाडौँ — दक्षिण अफ्रिकामा भएको यू–१९ विश्वकप क्रिकेटमा भाग लिएर नेपाली टोली घर फर्केको छ । नेपाली खेलाडीलाई नेपाल क्रिकेट संघ क्यानका पदाधिकारीहरुले त्रिभुवन अन्तर्राष्ट्रिय विमानस्थलमा स्वागत गरे । समूह चरणको अन्तिम खेलमा अफगानिस्तानलाई हराउँदै नेपाल सुपर सिक्समा पुगेको थियो । सुरुका दुई खेलमा भने नेपाल न्युजिल्याण्ड र पाकिस्तानसँग पराजित भएको थियो । सुपर सिक्समा भने भारत र बंगलादेशसँग भएका दुवै खेलमा नेपाल पराजित भएको थियो ।
