नेफ–ऋत कप फुटबल अर्को साता
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — उत्तरभेगीय शैक्षिक मञ्च तथा ऋत एकेडेमीको संयुक्त आयोजनामा सातौं नेफ–ऋत कप अन्तरविद्यालय जुनियर यू–१६ छात्र फुटबल प्रतियोगिता आइतबार सुरु हुने भएको छ ।
![](https://assets-cdn.ekantipur.com/uploads/source/ads/900x100-1172024092759.gif)
![नेफ–ऋत कप फुटबल अर्को साता](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/28-21122023023920-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
प्रतियोगितामा ६४ टिमले नकआउट आधारमा प्रतिस्पर्धा गर्ने बिहीबार पत्रकार सम्मेलनमा नेफका अध्यक्ष नारायण रोकाले बताए ।
प्रतियोगिताबाट उत्कृष्ट २० खेलाडी छनोट गरी डेनमार्कमा जुलाईमा हुने डाना कप यू–१६ फुटबल प्रतियोगितामा सहभागी गराइने नेफका सचिव टंककुमार चापागाईंले बताए । प्रतियोगिताको मुख्य प्रायोजक रहेको ऋत एकेडेमीले ३० उत्कृष्ट खेलाडीलाई प्लस टु अध्ययन गर्न जनही ६० हजारबराबरको छात्रवृत्ति प्रदान गर्ने संयोजक खेमनाथ पौडेलले बताए ।
पुस १४ सम्म चल्ने प्रतियोगिताका खेल चावहिल गणेशस्थान मैदानमा खेलाइने छ । प्याब्सनका केन्द्रीय उपाध्यक्ष थकिनकुमार गुरुङ, एनप्याब्सन वाग्मतीका उपाध्यक्ष डिएन महतो र नेफका सदस्य सुगन्धराज रेग्मीले प्रतियोगिताले प्रतिभावन खेलाडीको पहिचान गर्न मद्दत पुग्ने बताए ।
![](https://assets-cdn.ekantipur.com/uploads/source/ads/900-x-100-0172024023126.gif)