तिलोत्तमा — नेपाल क्रिकेट संघ, लुम्बिनी प्रदेशको दोस्रो अधिवेशन सम्पन्न भएको छ । अधिवेशनबाट सञ्जय गुरुङको अध्यक्षतामा १२ सदस्यीय नयाँ समिति चयन भएको छ ।

त्यस्तै, उपाध्यक्षमा बर्दियाका विनय राजभण्डारी, सचिवमा दाङका कैलाशकुमार रोका र कोषाध्यक्षमा पाल्पाका राजेश श्रेष्ठ निर्वाचित भएका छन् । 

संघको सदस्यमा दाङका बालकृष्ण खत्री, बर्दियाका सुभाष तिमिल्सिना, रुपन्देहीका प्रथम पराजुली र धिरज अधिकारी क्षेत्री, बांकेका दुर्गबहादुर थापा मगर र मेराज अन्सारी, कपिलवस्तुका माया ज्ञवाली र पदमराज श्रेष्ठ तथा नवलपरासीका अनिश कुँवर निर्वाचित भए । 

निर्वाचित पदाधिकारीलाई प्रमुख निर्वाचन अधिकृत रोचक रेग्मी, नेपाल क्रिकेट संघका केन्द्रीय सदस्य प्रशान्तविक्रम मल्ल, तथा निर्वाचन अधिकृतहरू कुलमणि ज्ञवाली र सुमनकुमार केसीले शपथग्रहण गराई प्रमाणपत्र प्रदान गरे ।