काठमाडौँ — रुसको कजानमा हुने ‘फिजिटल स्पोर्ट्स टुर्नामेन्ट–२०२४’ का लागि यसै वर्षको जुनमा छनोट प्रतियोगिता हुने भएको छ ।

फिजिटल स्पोर्ट्सअन्तर्गत नेपालको सर्वाधिक टिमको सहभागिताको अपेक्षा भएको रसियन दूतावासले जनाएको छ । प्रतियोगितामा शारीरिक र डिजिटल दुवै किसिमको खेल गतिविधि हुनेछ । त्यसमा ५० प्रतिशत शारीरिक गतिविधि र ५० प्रतिशत डिजिटल हुनेछ ।

प्रतियोगितामा फुटबल, बास्केटबल र हक्की जस्ता परम्परागत खेलहरू हुनेछन् । नेपालबाट यो खेलमा सहभागी जनाउन पाउनेछ । त्यस्तै पब्जी, फ्री फायर, डोटा–२ र लिग अफ लेजेन्ड्स जस्ता ई–स्पोर्ट्स गेमहरू आयोजना गरिने जनाइएको छ ।

फुटबल, बास्केटबल, हक्की र दौड प्रतिस्पर्धामा प्रत्येक खेलमा पुरस्कार राशि १० लाख डलर रहेको छ । डोटा–२ र लिग अफ लिजेन्ड्स जस्ता ई–स्पोर्ट्स खेलमा प्रत्येक खेलमा ३० लाख डलरको पुरस्कार राशि छ ।