अन्तर्राष्ट्रिय प्रतियोगिता विजेता खेलाडी म्यादी प्रहरीमा भिड्दै - खेलकुद - कान्तिपुर समाचार
कान्तिपुर वेबसाईट
AdvertisementAdvertisement

अन्तर्राष्ट्रिय प्रतियोगिता विजेता खेलाडी म्यादी प्रहरीमा भिड्दै 

कमल पन्थी

बर्दिया — गत स्थानीय निर्वाचनमा म्यादी प्रहरीका लागि शारीरिक र लिखित परीक्षामा उत्तीर्ण भएका अन्तर्राष्ट्रिय स्तरका खेलाडी मधुवन नगरपालिका-४ का माधवकुमार चौधरी मौखिक परीक्षामा फेल भए । कक्षा १२ पढेका एथलेटिक्सका खेलाडी चौधरी त्यस वेला निराश भएर घर फर्के ।

अहिले उनी प्रतिनिधि र प्रदेशसभाको निर्वाचनमा म्यादी प्रहरीमा निवेदन दिन छाडेका छैनन् । उनले भने, ‘हिम्मत हारेको छैन, प्रयास गरिरहेको छु ।’ २२ वर्षीय चौधरी मुक्तकमैया परिवारमा जन्मेका हुन ।

साउथ एसियन जुनियर एथलेटिक्समा सन् २०१८ मा श्रीलंकामा सहभागी भएका थिए । उनी त्यसबेला १५ सय मिटर दौडमा चौथो स्थान हासिल गरेका थिए । त्यसैगरी सन् २०१९ मा जापानको राजधानी टोकियोमा भएको नेपालको प्रतिनिधत्व गरी समूहमा प्रथम भएका थिए । उनले ८ सय मिटर दौड ३ मिनेट १९ सेकेन्डमा पार गरेका थिए ।

०७४ सालमा उनी राष्ट्रिय च्याम्पियनसिप एथलेक्टिसमा ८ सय र १५ सय मिटर दौडमा प्रथम भएका थिए । चौधरीले एथलेटिक्समा विभिन्न प्रतियोगितामा उपाधिसमेत जितेका छन् । उनका आमाबुवा अर्काको घरमा कमैया बस्न बाध्य भएका थिए । उनीहरूसँग एक कठ्ठाको बरबासबाहे केही र्छन । बुवाआमा पनि मजदुरी नै गर्छन् । आर्थिक अवस्था कमजोर भएका कारण म्यादी प्रहरीमा भर्ना हुन आएको उनले भने,‘म्यादी प्रहरीमा हुनुपर्ने सबै गुणले सम्पन्न भए जस्तो लाग्छ तर भनसुन गरिदिने कोही छैन ।’

उनीजस्तै गुलरिया नगरपालिका—१ कि २२ वर्षीया एथलेटिक्स खेलाडी पूजा चौधरी पनि यसपटक म्यादी प्रहरीमा भर्ना हुन आएकी छिन् । एसईई उत्तीर्ण चौधरी गत स्थानीय तहमा मौखिक परीक्षामा फेल भइन् ।

अहिले भने उनी आफू छनोट हुनेमा ढुक्क देखिन्छिन् । उनी ०७२ सालदेखि हालसम्म जिल्लादेखि प्रदेशस्तरीय एथ्लेटिक्स प्रतियोगितामा सहभागिता जनाइरहेकी छिन् । २०७६ सालमा दाङको बेलझुन्डीमा आयोजित खुला नेसनल ट्रिपल जम्पमा उनले तेस्रो स्थान हात पारेकी थिइन् ।

त्यतिबेलै नेपाली आर्मी क्लबले भर्ना गर्ने भन्दै बोलाए पनि लिखित परीक्षामा उनी उत्तीर्ण भइनन् । आफूलाई जानजान छनोट नगरिएको उनको गुनासो छ । ‘मन मरिसक्यो खेलमा । म्यादीमा पनि पहिलो पटक मौखिकमा फेल भएँ,अहिले त्यसो होला जस्तो लाग्दैन ।’

प्रकाशित : आश्विन १२, २०७९ १०:१३
प्रतिक्रिया
पठाउनुहोस्

महिना दिनमा खुल्यो सडक

प्रकाश बराल

बागलुङ — बागलुङदेखि बलेवा हुँदै दक्षिणतर्फ जाने मुख्य सडक अवरुद्ध भएको महिना दिनपछि बल्ल खुलेको छ । मालढुंगा बलेवा हुँदै कुश्मिसेरा जाने सडक अवरुद्ध हुँदा सयौं यात्रुले सास्ती खेपेका थिए ।

असार र साउनमा पनि बन्द भएको यो सडक गत भदौ पहिलो साता तीन दिनमात्रै खुलेको थियो । भदौ ९ गते बन्द भएपछि एक महिना यहाँ पैदलयात्रु समेत पार गर्न जोखिम बनेको थियो । दसैंैमा गाउँ जाने यात्रुलाई लक्षित गरेर बागलुङ नगरपालिकाले लगानी गरी सडक खुलाएको हो । सोमबार र मंगलबार एक्सकाभेटर र स्थानीय मजदुर लगाएर सडकको अस्थायी ट्रयाक खुलाइएको हो ।

पहिरोले यो सडकको दुइटा घुम्ती बगाएको थियो । यो सडकको घुम्तीका कारण कालीगण्डकी करिडोरसमेत पटकपटक बन्द हुने गरेको छ । तीन वर्षअघि खसेको पहिरोले दक्षिण बागलुङवासीलाई निरन्तर सास्ती दिएको छ । कमजोर जमिनमा खसेको पहिरो अहिले धेरै ठूलो भइसकेको छ । झरी पर्नासाथ खस्ने पहिरोले सडक क्षतविक्षत बनाउने गरेको हो । सडक बोर्डमा सूचीकृत भएपनि तत्काल यातायात खुलाउन नगरपालिकाले लगानी गरेको हो ।

यातायात सञ्चालन गर्न नसकेपछि दक्षिण बागलुङवासीले पर्वतको कुश्मा हुँदै घुमाउरो बाटो हिँड्न बाध्य थिए । पैदलै यात्रा गर्नुपर्ने र खाद्यान्न तथा अत्यावश्यक सामान ढुवानी गर्न नपाएर सास्ती खेपेका थिए । कतिपयले छोटो दुरीमा पनि चर्को भाडा तिरेर यात्रा गर्न बाध्य थिए । ‘सडक नखुल्दा बीचमा रोकिएका जिपले ५ किमीकै ५ सय रुपैयाँसम्म लिए,’ वडा नंं १२ का अध्यक्ष कोपिलामणि शर्माले भने, ‘जनताले सास्ती खेपेका थिए, अस्थायी भएपनि सडक खुलेपछि राहत मिलेको छ ।’ झरी पर्दा पुन: पहिरो खस्ने डर भएकोले हिउँदमा दिर्घकालीन समस्या समाधानका ेलागि काम गर्नुपर्ने इञ्जिनियर त्रिलोचन गिरीले बताए । तीन वर्षअघि राजनीतिक पहुँचको आधारमा जथाभावी शाखा सडक खन्दा पहिरो खसेको थियो । पहिरोले झन्डै ४ किमी कालोपत्रे पनि बिग्रेको छ ।

प्रकाशित : आश्विन १२, २०७९ ०९:०२
पूरा पढ्नुहोस्
प्रतिक्रिया
पठाउनुहोस्
x
×