भोटेकोशी जलविद्युत्को डिसेन्डर कभर स्ल्याब भत्किँदा ७ जना घाइते, एकको उद्धार
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
सिन्धुपाल्चोक — निर्माणाधीन भोटेकोशी-१ जलविद्युत् आयोजनाको डिसेन्डर कभर स्ल्याब भत्किँदा सात कामदार घाइते भएका छन् ।वर्ष दिन अघिबाट निर्माण सुरु गरिएको जलविद्युत्को डिसेन्डर कभर स्ल्याबको माथिल्लो संरचना भत्किएर दुर्घटना भएको जिल्ला प्रहरी कार्यालयले जनाएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![भोटेकोशी जलविद्युत्को डिसेन्डर कभर स्ल्याब भत्किँदा ७ जना घाइते, एकको उद्धार](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/bhotekosi-0572024013603-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
ढलानको संरचनाभन्दा तल्लो भागमा फसेका दुईको अवस्था अझै खुल्न सकेको छैन । इलाका प्रहरी बाह्रबिसेका प्रहरी निरीक्षक देवेन्द्रराज जोशीकाअनुसार सात घाइतेलाई तत्कालै उद्दार गरेर उपचारर्थ बाह्रबिसेस्थित किस्टोन हस्पिटल र बाह्रबिसे नगर अस्पताल ल्याइएको छ ।
केहीलाई धुलिखेल रिफर गरिएको छ भने ढलानको तल च्यापिएका दुई कामदारलाई उद्धार गर्न सुरक्षाकर्मी तल्लो भागमा पठाइएको छ । 'आयोजनाका घाइतेको अवस्था केहीको गंम्भीर देखिएको छ भने तल्लो भागमा च्यापिएका दुईलाई उद्धार गर्न हामी लागिरहेका छौँ, एकको उद्धार भइसकेको छ,' प्रहरी निरीक्षक जोशीले भने ।
फोटो सौजन्य : इलाका प्रहरी बाह्रबिसे ।
भोटेकोशी-१ आयोजनाले चीनको सीमा जोडिएको भोटेकोशी गाउँपालिका १, ३, ४ र ५ वडाको करिब ४ दशमलव २५ हेक्टर जमिन प्रयोग गर्ने लामो समयपछि अनुमति पाएको थियो । आयोजना इलेक्ट्रो पावर कम्पनी लिमिटेडले करिब ८ अर्बको लागतमा निर्माण गर्न लागेको हो ।
आयोजनाको डिसेन्डर संरचनालाई बचाउन माथिबाट लगाइने कभर स्ल्याबमा कामदार शुक्रबार काम गर्दै थिए । एक्कासी स्ल्याब भत्किन थालेपछि तल बसेर काम गरिरहेका कामदार च्यापिएका थिए ।
![](https://assets-cdn.ekantipur.com/uploads/source/ads/900-x-100-0172024023126.gif)