२२.१२°C काठमाडौं
चितवन — नहरमा डुबेर बुधबार चितवनमा दुई जनाको मृत्यु भएको छ । भरतपुर महानगरपालिका–२ क्षेत्रपुरका १६ वर्षीय अंकित जोशी र १४ वर्षीय विवेक शर्माको डुबेर मृत्यु भएको जिल्ला प्रहरी कार्यालय चितवनका प्रवक्ता डीएसपी सुर्य थापाले जानकारी दिए ।
क्षेत्रपुरको खुला चौरमा क्रिकेट खेलेपछि दिउँसो चार बजेतिर उनीहरु नहरमा हात खुट्टा धुन गएका थिए । त्यो बेला विवेक चिप्लिएर नहरमा खसेका थिए । विवेक चिप्लिएपछि अंकित उनलाई बचाउन नहरमा हाम फालेका थिए ।
पौडिन नसकेका उनीहरुलाई बगेको ठाउँभन्दा करिब दुई सय मिटर परबाट प्रहरीले उद्धार गरेको थियो ।
अस्पताल पुर्याउँदा उनीहरुको मृत्यु भइसकेको अस्पतालले जनाएको डीएसपी थापाले बताए ।
प्रकाशित : श्रावण ६, २०७८ २०:०२प्रतिक्रिया
